 |
 |
|
 |
Старата чаршија
-фото галерија |
|
|
 |
| Историјат |
|
|
|
| Знаменитости |
|
|
|
| Занаети |
|
|
|
|
Музеј
на стара чаршија |
|
|
|
| Автори |
|
|
|
| |
| |
| |
| |
|
|
|
 |
Се наоѓа во непосредна близинба на Бит-пазар, односно веднаш зад Поликлиниката "Бит-пазар".
Изградена е во 1475 година во раноцариградски стил по примерот на познатата Махмут-пашина џамија во Истамбул. Нејзин ктитор е Иса-бег, син на Исхак-бег, основачот на Алаџа џамија. Според зачуваниот натпис, џамијата била изградена по смртта на Иса-бег, како негова задужбина.
Овој објект е изграден од делкан бигор со хоризонтални редови на тули. Неговата фасада во горниот дел завршува со дворедни венци изведени во форма на цик-цак. Има лонгитудинална основа (19 метри) со две куполи покриени со олово, со што и се разликува од другите џамии. Подоцна на градбата од северната и јужната страна се доѕидани по две помали простории со што значително е намалена видливоста во нејзината внатрешност. Пред нејзиниот влез, како и кај повеќето други џамии, е изграден трем, кој е покриен со пет помали куполи и прекршени аркадни лакови. Минарето на џамијата е високо 34 метри.
Во рамките на џамијата некогаш постоеле медреса и библиотека со повеќе од 320 разни ракописни книги. Според Глиша Елезовиќ, "како по бројот на книгите, така и по нивната разновидност, оваа библиотека може да се вброи во редот на најголемите библиотеки на XV век".
Иса-беговата џамија за време на земјотресот во 1963 година, како и повеќето други објекти, претрпе сериозни оштетувања - и беше урнато минарето, кое подоцна, како и целата џамија, беше реконструирано.
|
|
|
|
|
