 |
 |
|
 |
Старата чаршија
-фото галерија |
|
|
 |
| Историјат |
|
|
|
| Знаменитости |
|
|
|
| Занаети |
|
|
|
|
Музеј
на стара чаршија |
|
|
|
| Автори |
|
|
|
| |
| |
| |
| |
|
|
|
 |
Овој, некогаш втор по големина амам во Скопје, се наоѓа во центарот на Старата чаршија, поточно на просторот меѓу Мурат – пашина џамија и Сули ан. Со овие два објекта ја сочинува денес единствената постојна исламска тројка на просторот на Чаршијата и во Скопје воопшто. Всушност, Чифте амам е централниот објект на оваа тројка.
Изграден во втората половина на XV век, како задужбина на Иса – бег, третиот по ред скопски краишки војвода и еден од најголемите градители на исламски јавни профани и сакрални објекти во градот. За првпат се спомнува во вакуфнамата на Иса – бегова џамија во 1531 година.
Овој објект претставува редик примерок на Балканскиот Полуостров со вонредна архитектонска вредност. Се состои од два речиси идентични дела со изолирани делови – машки и женски, поради што и го добил името чифте, односно двоен амам. Тој во архитектонска интерпретација претставува монолитна градба, при чија што изградба е водена максимална сметка за функционалното единство и за надворешното обликување. Граден е во сличен стил како и другите исламски јавни градби – од камен, тули и малтер. Има две големи и повеќе помали куполи, поставени врз ниски тамбури, што ги засводуваат неговите многубројни простории. Бројот на куполите, кои се во ентериерот пластично декорирани со вонредна техничка изведба, е адекватен на функционалните потреби на основата. Тие ја потенцираат импозантноста на објектот и му даваат китнест изглед, и покрај строгоста на високите и беспрекорно подигнати ѕидови.
И овој објект, како и повеќето други во Чаршијата, беше тешко оштетен за време на катастрофалниот земјотрес во 1963 година. Подоцна беше реставриран, а денес е уметничка галерија. Тој денес, речиси, е целосно скриен од мноштвото дуќани што се прилепени на неговите монолитни ѕидови, така што неговите вонредни архитектонски вредности не можат да дојдат до полн израз.
|
|
|
|
|
